Previodût trafic di bolin ros inte matinade e tal dopomisdì di vinars ai 30 di Jugn dilunc de A4 in direzion Triest, cun ralentaments pussibii e codis in prossimitât dai cantîrs pe tierce corsie, e dilunc de A57 (simpri in direzion Triest) cun ralentaments e codis che si podaressin formâ sul trat Terraglio-Bivio A57/A27.
Sabide al 1n di Lui dilunc de A4, simpri in direzion Triest e simpri inte matinade e tal dopomisdì, al è ipotizât ancjemò trafic intens cun ralentaments pussibii e codis in svicinament ai cantîrs, cun pontis di passaçs che a podaressin rivâ a tocjâ, su dute la rêt gjestide, i 184 mil passaçs di mieçs. Codis e ralentaments si podaressin regjistrâ il prin di Lui ancje ae bariere dal Lisert (stimâts 20 mil passaçs) e ai casei di Tisane, S. Donà di Plâf, S. Stin di Livence e Cessalto. La elaborazion di Autovie Venete e je basade sul aument dal trafic regjistrât sabide passade intal ordin dal 7%. Des 8 de matine aes 4 dal dopomisdì di sabide e des 7 de matine aes 10 di sere di domenie, i mieçs pesants no podaran circolâ. La concessionarie autostradâl e à rinfuarçât il personâl dai ausiliârs ae viabilitât, de esazion, ai servizis manutentîfs e ae manutenzion dai implants. Sabide e sarà a supuart ancje il personâl assegnât a indreçâ lis eventuâls codis ai casei a S. Donà di Plâf e a S. Stin di Livence. (A.D.G.) – 29.06.2023
