162
Partencis cadençadis pal puint de Madone di Avost e duncje nissun bolin “neri” pe rêt autostradâl di Autovie Venete. A caraterizâ lis zornadis, tacant di doman, vinars ai 12 di Avost, fintremai a domenie ai 14 di matine al sarà il bolin “ros”. Trafic tant sostignût in dutis dôs lis direzions su la A4 (Vignesie – Triest) cun ralentaments pussibii ai casei “dal mâr” e su la A23 (Grop di Palme – Udin Sud), in particolâr sabide ai 13 cuant che si previôt il passaç di plui o mancul 180 mil veicui. La prevision e je basade sul calcul dai flus veicolârs che a son tornâts ai nivei di prime de pandemie in cheste prime part di Istât e sui passaçs dal 2016, cuant che lis zornadis de setemane dal puint de Madone di Avost a jerin chês di chest an.
