63
I trê indagâts pe tragjedie sul Nadison, indulà che a son muarts dôs fantatis e un fantat tal Mai di chest an, no si son presentâts vuê di matine inte Procure de Republiche di Udin par rispuindi aes domandis dal procuradôr Massimo Lia e de titulâr dal fassicul, il sostitût procuradôr Letizia Puppa.
Si tratave di trê pompîrs in servizi in chê volte, li de Sale operative dal comant di Udin.
Doman nol rivarà nancje il cuart indagât, l’infermîr che in chê zornade al jere assegnât ae Sores. “O jeris stâts visâts – al à dit il procuradôr di Udin – che no saressin rivâts. Chest nol cause nuie di particolâr. O cjapìn at e o nin indenant”. (a.d.g.) – 04.12.2024
