Tragjic incident in svol a Premariâs

Lis dôs personis che îr dopomisdì tor cinc a son ladis ju’ cul lôr avion ultralizêr, pôc lontan dal piçul aeropuart dongje di Premariâs, no le àn fate: Alessandra Freschet, cuindis agns di Lavorêt, e Simone Fant, trenteun agns di Reane, a son muarts par vie des ustions griviis patidis tal incident.

Alessandra e jere studentesse tal liceu Volta di Udin e e stave fasint il so prin svol, intant che Simone al veve otignût il brevet come istrutôr cualchi mês indaûr.

L’avion al è lât ju’ intun cjamp di ulîfs e subite dopo l’impat al à cjapât fûc. Sul puest a jerin rivâts i pompîrs di Cividât e il personâl sanitari, ma par lôr lis ustions a jerin masse griviis e lis cundizions a son ladis in piês dilunc de serade. (a.d.g.) – 03.09.2024