Trê intosseâts pal monossit di carboni a Maron di Brugnere

Trê personis a son restadis intosseadis par colpe des esalazions di monossit di carboni, vuê a buinore a Maron di Brugnere, intune abitazion in vie Mazzini.

Dai trê judats dai infermîrs rivâts daurman sul puest adun cui pompîrs, doi a saressin in cundizions di salût seriis. Ancjemò di sclarî ce che al vedi provocât l’incident. Si pense che la colpe e sedi dal malfunzionament dal implant di riscjaldament. (a.d.g.) – 30.04.2024