171
Trê citadins forescj, ospits di cualchi struture di acet di Udin, a son stâts cjatâts de Polizie locâl a spaçâ droghe intal Parc Moretti vie pai controi indulà che al è stât doprât ancje un cjan antidroghe. A son stâts duncje denunziâts ae magjistrature par concors in spaç di sostancis stupefacentis.
I spaçadôrs, che un di chescj al è minôr, a son stâts cjatâts in possès di plui o mancul 150 grams di hashish, di bêçs contants e di trê telefonuts celulârs. Droghe, bêçs e telefonuts a son stâts secuestrâts dal Nucli di Polizie Judiziarie de Polizie Locâl che e à segnalât ancje ae Prefeture locâl, in cualitât di utents, doi clients che si jerin indreçâts ai trê oms par cuistâ il stupefacent. (A.D.G.) – 31.03.2023
