22
A son stâts cjatâts nûf grams di hashish intal possès di trê students, di chescj doi sot dai 18 agns, che a frecuentin l’istitût Ial di Davian. A nasâ la droghe al è stât il pastôr todesc Garwin che al jere cui carabinîrs dilunc dai controi dentri de scuele alberghiere.
I trê zovins a son stâts segnalâts ae Prefeture par detenzion di droghe par ûs personâl. La operazion, part di un programe di prevenzion e repression, si zonte al impegn de scuele tal garantî ambients sigûrs, soredut par ativitâts delicadis come cusine e laboratori. (a.d.g.) – 11.12.2024
