Tunisin cjoc al tire une butilie cuintri une auto a Udin, blocât de int

Ancjemò un episodi di violence a Udin in Borc de Stazion in vie Leopardi, indulà che un tunisin, cjoc disfat, al à tirât une butilie cuintri dal veri di une auto cun dentri une mari cun doi frutins che e stave passant di chês bandis. La femine che e lavore li dongje e i piçui a son stâts cjapâts des sclesis di veri, ma par fortune no si son fats nuie.

Dopo vê tirât la butilie, l’om di 33 agns al à cirût di scjampâ, ma la int che e jere presinte lu à blocât fin ae rivade des fuarcis dal ordin che a àn vût il lôr ce fâ parcè che il cjoc al à dât cuintri. Cuant che a son rivâts a puartâlu vie, la int stufe de situazion e à batût lis mans. (a.d.g.) – 10.05.2024