Udin tra lis citâts talianis cun plui piçui no acompagnâts

Udin e je tra lis citâts talianis cun plui zovins forescj no acompagnâts. Ai 30 di Avrîl a jerin pôc mancul di 200, tant che Udin e jere tra lis primis in Italie se si ten cont dal numar dai residents. In regjon invezit a jerin presints 716 piçui no acompagnâts. La lôr gjestion e domande cussì soluzions struturâls e no su la fonde de emergjence.

Al è ce che al è saltât fûr dal incuintri di îr tra prefet, cuestôr e sindic di Udin. Cumò si lavore in dôs direzions: di une bande prevignî i fenomens di violence e di chê altre la promozion di percors di integrazion. (a.d.g.) – 22.05.2024