Un camionist ucrain acusât di violence sessuâl cuintri dôs studentessis

L’om, intant che al vuidave bande Milan passant par Triest, ai 11 di Lui al varès molestât in mût pesant dôs studentessis universitariis – stant a ce che a àn contât lis dôs fantatis – intant che a stavin lant ju’ pes scjalis a Barcola.

I agjents de Polizie locâl, clamâts des studentessis, a àn identificât l’om e lu àn puartât inte stazion di polizie, indulà che l’ucrain al è stât daspò blocât e puartât, su ordin dal procuradôr de Republiche di turni, in preson a Gurize. (a.d.g.) – 16.07.2024