Intai dîs passâts i agjents dal nucli di polizie judiziarie de Polizie Locâl dal Comun di Udin, dilunc de ativitât di prevenzion e repression dal spaç di droghis, fasint une verifiche inte zone di Place Venerio, a àn notât la disposizion suspiete di un fantat e une fantate, ducj i doi di 19 agns e residents fûr provincie, che si jerin dislontanâts intun lûc pôc visibil. I agjents duncje a àn fat un control su la base de normative sui stupefacents, che dilunc di chel a àn cjatât in possès de fantate un curtìs e diviersis pirulis di medisinâi subiets a prescrizion mediche, cence che e fos in grât di justificâsi pal possès. Il zovin invezit al veve ciertis desenis di grams di marjiuana; dilunc de percuisizion a cjase di chest ultin e je stade cjatade altre droghe e i struments tipics doprâts pal spaç.
Ducj i doi a son stâts segnalâts ae Autoritât Judiziarie; il zovin pe ipotesi di detenzion a fins di spaç di sostancis stupefacentis, intant che la fantate pe detenzion di un strument bon di ofindi. La fantate e je stade segnalade ancje pal ûs di sostancis stupefacentis e o psicotropis”. (A.D.G.) – 6.02.2023
