Un jutori a cui che al viôt di un parint che nol è autosuficient

La Zonte regjonâl e à dât il vie libare preliminâr al Plan di trê agns dal 2024 al 2026 pal supuart e la valorizazion dai cargiver di famee, ven a stâi chei che a viodin di un lôr parint.

Cuntun invistiment di un milion e mieç di euros, il Plan al proviôt iniziativis di formazion, jutori e comunicazion par plui o mancul 25 mil personis che a viodin di un parint che nol è autosuficient.

L’assessôr ae Salût Riccardo Riccardi al à sotlineât la impuartance di tutelâ i dirits dai caregiver, garantint par lôr ancje une vite sociâl e professionâl che ur dedi sodisfazion. (a.d.g.) – 23.08.2024