45
Un pakistan di 30 agns al è stât arestât dai agjents de Vuardie di finance di Pordenon par spaç di droghe intal centri de citât. Dilunc di une operazion di control ai 30 di Setembar, i financîrs a àn viodût doi zovins che si scambiavin alc e un di chei al jere suntun scooter. I agjents a son jentrâts daurman in azion e a àn blocât l’om che al jere a pît intant che al stave vendint une dose di cocaine a chel sul scooter, che al è scjampât di colp.
De percuisizion dal pakistan a son saltâts fûr altre droghe e bêçs. In dut a son stâts secuestrâts 21,7 grams di cocaine e 6,7 grams di hashish, plui 765 euros in contants, che si pense a rivin propit de vendite de droghe. (a.d.g.) – 04.10.2024
