97
Un zovin di 20 agns di origjinis marochinis al è stât denunziât de Polizie locâl dal Glemonat par detenzion cu la intenzion dal spaç di droghe. Il fantat al è stât cjatât dongje dal Liceu sientific Magrini e dal Its Marchetti dilunc di un control antidroghe fat pal progjet “Scuole Sicure” (Scuelis Siguris) paiât dal Stât talian.
La operazion e je stade fate sabide ai 25 di Mai des 8 a buinore cu la colaborazion de unitât cinofile de Vuardie di finance di Tarvis. Propit il cjan al à pontât il suspiet intal parc public dongje di vie Praviolai. Daspò de percuisizion a son saltâts fûr 10 grams di hashish, 21 capsulis di anfetamine e 5 pastiliis di Soboxone, medisine cun dentri un derivât dal opi. (a.d.g.) – 28.05.2024
