Une altre rivolte tal Cpr di Gardiscje

Tal Cpr di Gardiscje e je tacade une gnove rivolte che e à causât il feriment di un agjent de Vuardie di finance.

Daûr di ce che al à dit il sindicât talian dai lavoradôrs de Finance, i disordins a son sucedûts domenie passade, cuant che cierts ospits de struture a àn impiât il fûc a un materàs e a cualchi cuvierte, tirant robe che e brusave cuintri dai agjents.

L’agjent si è fat mâl (frature di doi dêts de man) intant che al cirive di puartâ pâs: “Ancjemò une volte – al à dit Armando Gallucci, segretari regjonâl dal sindicât – dopo il sanc frêt dai nestris agjents al à ridusût i dams. O fevelìn dal secont feriment di un agjent in pôcs mês e di tentatîfs di fuide che a sucedin aromai cuasi ogni dì”. (a.d.g.) – 17.09.2024