Une funzionarie de Comission Europeane a Gurize par “tocjâ cun man” il confin

Par fâ “tocjâ cun man” il sens de Capitâl europeane de Culture ae funzionarie de Comission europeane, Joanna Olechnowicz, delegade europeane par progjets Por fesr in viste di Go!2025, vuê il sindic di Gurize Rodolfo Ziberna le à acompagnade a visitâ la place Transalpine. “O vin vût mût di sclarîi cemût che al sedi il confin chel che al à puartât Nova Gorica e Gurize ae assegnazion dal titul – al à sclarît Ziberna -, dimostrant trop che o sin in stât di corispuindi aes spietis de Europe in tiermins di lavôrs, cantîrs e progjetazion, cundut des naturâls dificoltâts dovudis al fat che o fevelìn di doi Stâts cun dôs legjislazions diviersis. Cun nô e jere ancje l’assessôr regjonâl Barbara Zilli, che o gracii pe atenzion costante che e à par Gurize”. (a.d.g.) – 27.11.2023