Ancje cheste a pene tacade e sarà une setemane di passion par cause dal tristimp, cun ploiis une vore fuartis, burlaçs e aiaron in dute la regjon. Lis ploiis a saran une vore fuartis soredut su lis Prealps e a son previodudis ancje burascjis su la cueste. Par chest la Protezion civîl e à mandât fûr une alerte meteo colôr naranç sul Friûl Ocidentâl, la Cjargne e il Tarvisian, zale su la Basse e bande Gurize e Triest.
La alerte e tacarà dal misdì di doman, martars ai 12 di Otubar, e e larà indenant par une zornade. Lis ploiis plui fuartis si previodin tal dopomisdì sul tart.
La sede de Protezion civîl a Palme e je in pre-alarme e pronte a inviâ i centris operatîfs comunâi. A dâ pinsîr soredut i inagaments par cause de tante aghe tai flums e des burascjis su la cueste, judadis dal aiaron di Siroc. (a.d.g.) – 07.10.2024
