Une vite pal volontariât

E je stade screade lunedì 9, ae Cjase dal student “Antonio Zanussi” di Pordenon, la seconde part dal 41n an academic de UTE – Universitât de tierce etât. Un dialic intal segn de solidarietât e dal volontariât internazionâl, dedicât a “Chel che o podìn imparâ in Afriche”. Protagonist de cunvigne, pre Dante Carraro diretôr de Ong “ Medici con l’Africa Cuamm” di Padue. Zovin de provincie dal Venit, a pene laureât in medisine pre Carraro al à sielt di deventâ predi, impegnantsi intes glesiis di perifarie, prime di scomençâ intal 1995 i siei viaçs in Afriche, dongje de plui grande organizazion taliane ative tal continent. (A.I.) – 10.01.2023