Anzian ustionât a Dignan, lu àn cjapât lis flamis dal cjaminet

Un anzian si è brusât intal prin dopomisdì inte sô cjase a Dignan. Intant che al jere in bande dal cjaminet, al pâr che al sedi stât cjapât des flamis in maniere acidentâl.

I infermîrs de Sores a àn inviât daurman l’ecuipaç di une ambulance di S. Denêl e l’elisocors. L’anzian al à ripuartât ustions di secont e tierç grât inte part alte dal cuarp e al è stât sometût daurman aes primis curis de bande dai sanitaris. Sul puest a son rivâts ancje lis Vuardiis dal fûc. L’om al è stât traspuartât cul elicotar al ospedâl S. Marie de Misericordie di Udin. (A.D.G.) – 14.12.2022