Dôs personis a àn patît ustions, îr di sere. Un om di 54 agns al è stât socorût sot sere intes pertinencis de sô abitazion, a Sante Marie la Lungje, pes feridis ripuartais dopo di un fûc svampât sot de tetoie, indulà che al veve organizât une fieste cun cualchi amì, doprant un ‘ fonc’ par scjaldâsi. Propri la stue di esternis, scjaldantsi, e varès fat impiâ les flamis. In maniere fortunade il fugaron al è sclopât dopo che i ospits a jerin lâts vie.
Dopo l’alarme lançât cuntune clamade al Nue 112, la Sores e à mandât sul puest lis Vuardiis dal fûc, che a àn studat il fugaron, i Carabinîrs de Compagnie di Palme e l’ecuipaç di une ambulance, che dopo e à traspuartât il ferît intal ospedâl di Palme pe ustion ripuartade a une gjambe.
A Lusevare, invezit, une femine di 50 agns e je restade brusade aes mans dopo dal sclop di une bombule colegade a une stuute intes pertinencis de sô abitazion.
La femine e je stade socorude dal ecuipaç di une ambulance rivade di Tarcint, che le à traspuartade dopo al ospedâl di Tumieç. Ativâts ancje i Carabinîrs de Compagnie di Cividât e lis Vuardiis dal fûc, che a àn ancje mitût in sigurece la cjase. (A.D.G.) – 30.01.2023
