Un vagabont marochin di 23 agns al è stât arestât îr di gnot dai carabinîrs a Udin.
Ae centrâl operative de Arme e je rivade la segnalazion di un om, in stât palês di agjitazion, che in vie Cividale al jere daûr a provâ a fermâ i mieçs che a passavin. Chest compuartament al jere daûr a meti a pericul la sô vite e al jere daûr a creâ pericul pe circolazion stradâl.
Sul puest e je intervignude daurman une patulie de stazion di Udin Est. I militârs a àn cirût in ducj i mûts di fâ resonâ il zovin, ma nol è stât nuie ce fâ. Anzit, dilunc des proceduris di identificazion, l’om al à dat cuintri ai carabinîrs che a son stâts plui voltis batûts; par fortune i militârs a àn ripuartât dome contusions lizeris. Il marochin, dopo jessi stât arestât, al è stât puartât intal ospedâl di Udin dulà che, in spiete dal procès spietât pe zornade di vuê, al è tignût sot osservazion. (a.d.g.) – 16.01.2024
