2/05/2022 – Intai prins cuatri mês dal 2022, la Aministrazion comunâl di Palme e à lavorât par presentâ un totâl di 20 domandis di contribûts su bants europeans, statâi o regjonâi. In plui e sta cirint di vê alc ancje dal PNRR. Il totâl dai finanziaments domandâts al rive a 17,1 milions di euros.
Lis domandis, furnidis de documentazion tecniche necessarie, contabile e aministrative, a rivuardin intervents di ricualificazion urbane, tant che i progjets di riûs des ex casermis Filzi o Ederle, la sistemazion dai marcjepîts, il rifasiment di struturis scolastichis o sportivis, la promozion turistiche e culturâl, la inovazion tecnologjiche e la divulgazion sientifiche. Atenzion ancje par l’ambient cul ricicli dai refudums plastics o intervents sul fotovoltaic. Ma no dome, ancje progjetualitâts sociâls cui lavôrs di utilitât publiche, il Sportel Femine o la realizazion di events culturâi in lenghe furlane.ADG
