86
Un vues uman, forsit di une femine, al è stât cjatât îr dopomisdì di un bagnin intant des operazions par netâ la splaze di Lignan.
Il vues, lunc 32 centimetris, si cjatave cuasi fûr dal savalon, dongje dal viâl dilunc dal mâr Trieste, li dal stabiliment 1Ter. Intant che l’om, dipendent de Lisagest, al stave metint a puest il savalon, al à viodût alc di strani. Dome in chel moment al à capît che al jere un vues e al à clamât daurman i carabinîrs di Lignan, che a varan di capî di ce vues che si trate e, cu lis investigazions de sientifiche, a varan di scuvierzi di cui che al jere chel toc. (a.d.g.) – 17.06.2024
