Zovin al cole dal cuviert dal Cpr di Gardiscje e si fâs mâl intant che al cîr di scjampâ

Un tunisin di 20 agns che si cjatave dentri dal Cpr di Gardiscje di cualchi di’ al è stât ricoverât in cundizions grivis intal ospedâl di Udin dopo jessi colât dal cuviert de struture (a cuatri metris di altece) dilunc di un tentatîf di fuide. L’incident al è sucedût tor de miezegnot.

Sul puest i sanitaris dal 118 cun ambulance e auto mediche parcè che l’elicotar al jere blocât a tiere par vie de fumate. Il zovin si è fat une vore mâl aes gjambis, ma nol sarès in pericul di vite. (a.d.g.) – 10.01.2025