“Geografie”: a Monfalcon lis rotis si incrosin tun festival

Al sarà il scritôr e psichiatri Paolo Crepet a screâ “Monfalcone Geografie Festival”, che al torne cun tancj protagoniscj intal cûr de citât, dulà che si incrosin rotis di mâr e di tiere, ae crosade fra l’ocident e l’orient. Miercus ai 22, intal centrâl Geovillage di piazza della Repubblica, aes 5.30 dal dopomisdì al scomence il festival promovût dal Comun di Monfalcon e curât de Fondazion Pordenonelegge.it. Fin a domenie ai 26 al propon un cartelon plen di apontaments par esplorâ lis gjeografiis dai paisaçs, ma ancje chês dal cûr e dai siums, e tantis traietoriis sul fonts des nestris vitis. Tra i protagoniscj selezionâts di Gian Mario Villalta e Roberto Covaz a son ancje l’astronaute Paolo Nespoli, l’artist Gregorio Botta, il filosof Marcello Veneziani, il gjornalist Tommaso Cerno e il showman Ezio Greggio. (A.I.) – 21.03.2023