A Buri il teme dal Istât al è il “Sec”

Al tache joibe ai 13 di Lui a Buri, li dal parc de Vile di Toppo Florio, la tierce edizion dal “TreeArt Festival”, ideade e promovude dal Comun di Buri. Une manifestazion che si môf tra divulgazion sientifiche, culture, cine, spetacul e art contemporanie, dissiplinis che a dialoghin intune e a interagjissin intal segn de promozion de sostignibilitât ambientâl. Il teme di cheste edizion al è il sec: “Siccità”, analizât di nons cetant impuartants de sience, de art e dal spetacul, esperts e divulgadôrs di innomine internazionâl, selezionâts di un comitât sientific par condividi, ognidun traviers il propri lengaç, une schirie di riflessions. Joibe a tachin lis cunvignis e i laboratoris, vinars la scree uficiâl ae presince dal Premi Nobel pe Pâs 2007, Filippo Giorgio. (A.I.) – 12.07.2023