A Cjas ae scuvierte dai gnûfs trois de mont

Sabide ai 23 di Novembar, “Dolomiti Contemporanee” al propon tal Gnûf Spazi di Cjas l’incuintri “Saggi di Gamma”. Artiscj, gjeolics e gjeografs a discutaran di teritori, gjeologjie, de mont e di altris formis di comunicazion, integradis di gnovis viis culturâls e di trois di gjeodiversitât. L’avigniment, viert a ducj e sore nuie, al ponte a costruî trois e percors, fisics e culturâi, che a puedin vuidâ a une cognossince di aspiets de mont no banâl, no improvisade, ma aprofondide. E je previodude ancje une escursion vuidade te gjave “Buscada” tal dopomisdì, dilunc un toc dal World Heritage Dolomites Geotrail. (A.I.) – 22.11.2024