A Cjase Zanussi i cincuante agns de Democrazie cristiane

Martars ai 23 aes 6 dopomisdì a Pordenon, intal Auditorium di Cjase Zanussi, al tache il prin dai apontaments di “Leggiamo oggi”, la rassegne che e segne la colaborazion jenfri la fondazion Pordenonelegge.it e la Cjase dal student “Antonio Zanussi”, ufrint ideis impuartantis par rifleti e dibati sui argoments di atualitât sedi sociâi che culturâi. Al centri de cunvigne, il saç “Storia della Democrazia Cristiana 1943 – 1993”, contât dai autôrs Guido Formigoni, Paolo Pombeni e Giorgio Vecchio, che si domandin se la Dc e fo pardabon “il partît de nazion”, contant 50 agns di gjenerazions diferentis che si son alternadis ae vuide di un partît ancjemò vaiût di cetancj, ma ancje demonizât di tancj altris. (A.I.) – 22.04.2024