Martars ai 22, Pordenonelegge al torne a Daçan Decim cuntun apontament dal cartelon “fuoricittà” dedicât a un teme di atualitât: il futûr de provision energjetiche e il rûl de energjie nucleâr. La Cjase dal Student e ospite il fisic e divulgadôr sientific Luca Romano, che al dialogarà cun Andrea Zambenedetti, capo croniche dal “Gazzetino” di Pordenon, sul saç: “L’avvocato dell’atomo. In difesa dell’energia nucleare” (L’avocat dal atom. In difese de energjie nucleâr”. Pagjinis che a analizin, propri tant che inte aule di un tribunâl, lis acusis principâls fatis cuintri il nucleâr, dant al letôr i struments par fâsi une opinion basade sui dâts e sui numars. (A.I.) – 21.10.2024
A Daçan Decim si fevele dal avignì dal nucleâr
4