A “Dedica” al torne un dai autôrs plui preseâts

“Destinazione uomo” al è l’argoment de conversazion che e torne a puartâ a “Dedica”, in ocasion des fiestis pai trente agns de rassegne – inviadis di un percors di cunvignis e di incuintris cuntune part dai autôrs che a son stâts protagoniscj intes edizions passadis – Björn Larsson, al centri dal festival tal 2017. Scritôr, tradutôr, filolic, docent universitari, Larsson, che al è un dai autôrs svedês plui preseâts e plui innomenâts ancje in Italie, al presente il so gnûf saç filosofic “Essere o non essere umani” tal teatri “Zancanaro” di Sacîl. (A.I.) – 29.02.2024