A Dieç la mostre e “olse”: e rive ancje une letare dal Pape

Si scree martars ai 18 a Dieç la classiche mostre inmaneade dal comitât di S. Florean vuidât di pre Alessio Geretti, che al à sielt un argoment che i è plasût ancje a Pape Francesco: “Il coraggio”, “la olse”, cun cuarante oparis mestri che si viodaran fint ai 3 di Novembar, pituris e sculturis che a vegnin di colezions par solit sieradis al public. Dutis selezionadis pe lôr cualitât e par segnâ un percors di doi mil e cinccent agns de antighe Grecie fint ae metât dal Nûfcent. Pe scree e rivarà ancje une letare dal pape, che al sburte i organizadôrs des mostris che di agnorums a àn fat deventâ un borc de mont daûr Tumieç un centri di art internazionâl, a lâ indevant “su la strade de bielece”. (A.I.) – 17.06.2024