A Feagne si scree un spazi a misure di fruts

Si scree intune date speciâl – miercus ai 20, ven a stâi la trentesime cuinte zornade internazionâl dai dirits de infanzie e de adolessence, – la Cjase des Culturis Frutis, il spazi pensât e curât di Damatrà, a Feagne inte Cjase di Catine. Une antighe cjase coloniche intal cûr dal Friûl, pensât e fat dal dut su misure dai fruts, progjetât cun lôr intai ultins mês, adun cui artiscj che lu àn inricjît e modulât su misure dal “timp” de infanzie. A ‘batiâ’ la Cjase des Culturis Frutis e sarà Chiara Carminati, Premi “Strega” Ragazzi, che e ufrirà cualchi leture des sôs oparis, dopo il tai di une curdele da record di passe 130 metris, fate dai fruts des scuelis dal Friûl. (A.I.) – 18.11.2024