A Monfalcon si scree il gnûf museu medievâl

Joibe ai 16 al scree il Museu Medievâl di Monfalcon, in place Unitât di Italie, une struture che la sindiche, Anna Maria Cisint, e à “volût regalâ ai citadins e ai turiscj par fâ cognossi un toc impuartant de storie de citât e dai nestris antenâts”. Il Museu al nas de valorizazion de aree archeologjiche rinvignude dilunc dai sgjâfs pal restaur dal edifici che al ospite il Comun, che a àn puartât ae lûs un tesaur de storie citadine, restât sepulît par secui sot dal paviment dal edifici: tocs des muris de citât dal decim tierç al decim sest secul, ceramichis, armis e tant altri. (A.I.) – 15.11.2023