A Palme il premi ae cariere ae gjornaliste Lucia Goracci

Grant finâl de edizion 2023 dal festival internazionâl e itinerant de cognossince “Dialoghi”, inmaneât di Culturaglobale, di joibe ai 28 fint a domenie al prin di Otubar li dal Teatri “Gustavo Modena” di Palme. Vinars ai 29, Zita Dazzi e sarà intervistade des studentessis dal Pôl Liceâl di Gurize e e presentarà “Gli anni di Luce. Dal rapimento Moro alla morte di Berlinguer”. Sabide ai 30 si tignarà la cerimonie di consegne dal Premi ae cariere ae gjornaliste Lucia Goracci, cu la leture dal atôr Sebastiano Somma “Vi presento Pablo Neruda”. Pe ultime zornade a rivaran il ricercjadôr e il divulgadôr sientific Mario Tozzi e, par sierâ, il spetacul scrit e contât di Andrea Scanzi “E ti vengo a cercare”, dedicât a Franco Battiato. (A.I.) – 28.09.2023