A Pasian di Pordenon al nas il museu de radio

Al è partît in vie uficiâl a Pasian di Pordenon il cont al ledrôs che al puartarà ae viertidure dal gnûf Museu Interatîf de Radio e de Societât che, une volte completâts i furniments e lis preparazions, al deventarà un dai museus principâi dedicâts ae radio no dome intal Nordest, ma in dut il teritori talian. La idee e nas de volontât de bande de aministrazion di valorizâ lis risorsis presintis intal teritori: lis radios antighis e la archeologjie, ma ancje il dialic inviât cun apassionâts e colezioniscj dal setôr. Il Mirs al fotografe la evoluzion de nestre societât: al è une testemoneance impuartante di storie e culture di lassâ aes gnovis gjenerazions. Prime de viertidure al public, al è previodût un calendari plen di apontaments, dai spetacui aes visitis vuidadis ae colezion di documents, radiofonics e televisions storichis. (A.I.) – 13.02.2024