A Pordenon 14 mostris pe fieste dal libri

Art, architeture e dissen a “pordenonelegge”, che al celebre la vincjesime cuinte edizion cun ben 14 mostris e 18 avigniments specifics. La stele di chest percors al è l’olandês Erik Kessels, il “Strion de imagjin”, mestri de “fotografie dialetâl” tra medie digjitâl e social. Cun Corrado Benigni e Davide Rondoni si fevelarà dal ‘Viaç in Italie’ di mestris de fotografie. Adun cun Gianluca Buttolo e Bruno Bozzetto, Francesco Matteuzzi e Luca Debus si fevelarà di fumets, intant che Cinzia Leone e analizarà il rapuart fra peraule e imagjin e Luigi Prestinenza Puglisi al presentarà 600 diviersis definizions di architeture. Tra lis mostris viertis: chê dedicade a Armando Pizzinato, chê dei mestris des fotos de agjenzie Magnum, i fumets di Jacovitti e lis ilustrazions di Giulia Orecchia, in bande dal percors espositîf che al celebre i 25 agns di pordenonelegge traviers 25 musis. (A.I.) – 18.09.2024