A Pordenon, la fisiche contade de stele de rêt

Al è un incuintri cetant spietât, chel di joibe ai 12 aes 10 di matine intal Auditorium ‘Concordia’ di Pordenon pal tierç apontament dal cicli di incuintris “Affascinati dal cervello”, dedicât chest an aes “Neurosiencis sbaliadis”. Ospit al è il fisic Vincenzo Schettini, un dai plui cognossûts e amâts divulgadôrs de sene nazionâl: insegnant, musicist, docent, youtuber e tiktoker, icone dai social, dulà che al à milions di ‘followers’ di ogni etât. Vincenzo Schettini al è autôr dal manuâl “La fisica che ci piace”, un dai 10 libris di sagjistiche plui vendûts in Italie, e al à vinçût chest an il premi leterari pai fantats dedicât a Elsa Morante. Il teme dal so intervent: “Falant si impare: erôrs e aprendiment scolastic”. (A.I.) – 11.10.2023