A Roncjis al tache il gnûf festival dal gjornalisim

Si scree martars ai 13 a Roncjis di Monfalcon la novesime edizion dal Festival dal gjornalisim, inmaneât de associazion culturâl Leali delle Notizie. Daurman dopo de inaugurazion, si tignarà la cerimonie di consegne dal Premio Leali Young in memorie di Cristina Visintini, rivât ae seconde edizion. Chest an il concors al è stât sudividût in trê categoriis: a saràn premiâts Costanza Oliva inte sezion “articul su cjarte stampade”, Elvis Zoppolato inte categorie “podcast o prodots pe rêt” e Lorella Lombardo inte sezion “reportage”. Lis migrazions e il rispiet dai dirits dai migrants a son stâts il teme puartant dal trê elaborâts premiâts. I trê vincidôrs a varan un premi di 500 euros par ognidun e une borse di studi pe iscrizion a un dai percors formatîfs de AIGC, la Associazion taliane gjornalisim costrutîf. (A.I.) – 12.06.2023