Al è scomençât il cont par ledrôs par “Oltre il festival”, la rassegne di “Leali delle Notizie”, nassude tant che avigniment colaterâl dal Festival dal gjornalisim. La tierce edizion e je in program di miercus ai 9 a domenie ai 13 di Otubar e e proponarà nûf apontaments a Roncjis di Monfalcon (intal auditorium comunâl ‘Cjase de Culture’) e a S. Canzian dal Lusinç (inte Cjase des associazions di Pieris). La associazion di Roncjis di Monfalcon e va indevant a invistî su la culture par rifleti sui temis plui bulints de atualitât e par puartâ indenant la sô bataie su la libertât di stampe e di espression intal mont. Il calendari al frontarà diviers temis cun mostris, presentazions di libris e incuintris: si fevelarà di cambiaments climatics, migrazions, identitât digjitâl, mafie, amiant e cetant altri. (A.I.) – 07.10.2024
Foto di L. d’Agostino
