A Roncjis, un confront tra la politiche di îr e di vuê

Seconde edizion a Roncjis di Monfalcon par “Apontament cu la politiche. Par une corete informazion”, rassegne promovude de associazion culturâl “Leali delle notizie”, che e vûl riclamâ la atenzion suntun argoment di analizâ e aprofondî. Trê i apontaments al auditorium “Cjase de culture”, in vie Cau di Mezo, aes 8.30 sot sere. “Si tache vinars ai 3 cun “La politiche îr e vuê: dôs testemoneancis a confront”. Protagoniscj: Mario Brancati, esponent de Dc dal Lusinç, za assessôr regjonâl ae Sanitât, e l’avocat Gianfranco Carbone, za president de Provincie di Triest, intervistâts di Roberto Covaz. (A.I.) – 02.02.2023