A tornin a tacâ ai 19 di Setembar i apontaments de rassegne leterarie “I colloqui dell’Abbazia. Il viaggio della carta geografica di Livio Felluga”. Un itinerari plen di cetantis novitâts e curiositâts, cun cualchi anteprime regjonâl che, daûr de tradizion, si davuelzaran inte Badie antighe di Rosacis. La novesime edizion intal segn dal viaç, tal sens di cognossince, incuintri e scuvierte di monts e ideis traviers la art de scriture, curade e condote di Elda Felluga e Margherita Reguitti, al previôt siet apontaments cun gjornaliscj, scritôrs e artiscj. Si tache joibe cun Antonio Padellaro, une des grandis firmis talianis, che al presentarà il so ultin libri. In Otubar al rive il filosof Stefano Zecchi e a Novembar, fint al 29, Marzio G. Mian, Maurizio Bait e Tino Mantarro cui lôr libris di viaç. (A.I.) – 18.09.2024
Foto di L. Vitale
