A S. Denêl in mostre il mont di Zeffirelli

Il Palaç dal Monte di Pietà di S. Denêl al da acet di vinars ai 17 a “Il mondo di Zeffirelli”, la mostre dedicade de Fondazion Zeffirelli e dal “Scriptorium Foroiuliense” al grant mestri dal cine talian a 100 agns de sô nassite. Intal percors a son presints dissens di Franco Zeffirelli par senis e costums che a memorein 28 oparis memorabilis ladis in sene a Milan, Londre, New York… In esposizion ancje studis, aponts, fotografiis e 14 costums di sene fats par spetacui di Zeffirelli, che a vegnin de colezion dal Teatro dell’Opera di Rome. (A.I.) – 16.03.2023