155
Di vinars ai 19 a domenie ai 21, a S. Denêl si davuelç la edizion ‘zero’ di “Dix It”, il festival de comunicazion digjitâl. Une rassegne inovative pal teritori, ospitade intal Teatri/Cine Splendor, che e nas dal desideri di un grup di fantats dal lûc di puartâ sul palc argoments che par solit o sin usâts a cjalâ traviers di un schermi. Il festival al cîr di valorizâ il creadôr di contignûts, une figure uniche cun capacitât tecniche, sensibilitât artistiche e potenzialitâts dispès sotvalutadis. A son stâts invidâts diviersis ospits, tacant dai fantats di YoupalTubo, il canâl de Arlef. (A.I.) – 18.05.2023
