A Tisane lis premiazions dal concors leterari

Tape conclusive pe trentesime seconde edizion dal premi leterari internazionâl “Tisane pal Nord-Est”, sabide ai 12 tal Teatri “Odeon” di Tisane, cuntun dopli apontament: l’incuintri matutin, “il Premi al cjate la Scuele”, par studentessis e students de ISIS “Mattei” di Tisane, e la cerimonie di premiazion, vierte a ducj a jentrade libare, aes 8.30 sot sere. Il gjornalist Mauro Mazza, che al presente la serade, al consegnarà i premis aes dôs oparis vincidoris dal Premi “Banca360FVG”, assegnât de Jurie dai fantats a “V” di Angela Tognolini e dal Premi “Coop Alleanza” 3.0 de Jurie dai letôrs a “Alma” di Federica Manzon. Po dopo, al rivarà l’anunzi dal vincidôr dal Premi di narative, individuât de jurie tecniche vuidade di Cristina Benussi. (A.I.) – 11.04.2025