A Tumieç la ‘clâf’ par un libri misteriôs

La storie dal “libri plui misteriôs tal mont”, il “Manuscrit di Voynich” – un codiç ilustrât dal decim cuint secul conservât li de Universitât di Yale, che nissun al è rivât a decifrâ par ben sîscent agns – al cjate lis sôs lidrîs in teritori cjargnel. In particolâr, si instrece cu la storie dal Museu “Gortani” di Tumieç. Studiât a lunc di Eleonora Matarrese – filolighe, etnobotaniche, scritore e academiche – il Manuscrit di Voynich al è stât decriptât tal ultin, cui siei misteris, ancje in graciis de consultazion dal preziôs erbari “Gart der Gesundheit” dal 1486, che si cjate dentri de colezion dal Museu “Gortani” e restaurât cualchi an indaûr dal “Centro Studi e Restauro” di Gurize. Sabide ai 15, Eleonora Matarrese e presentarà i siei volums dedicâts ae ricercje e pe ocasion e sarà ancje valorizade la gnove esposizion dal erbari. (A.I.) – 13.06.2024