A Udin a rivin i studiôs di documents antîcs

I studiôs talians de scriture, dai libris manuscrits e dai documents antîcs si dan adun dal 1n ai 3 di Dicembar ae Universitât di Udin, par celebrâ i 40 agns de Associazion taliane dai paleografs. l’Ateneu furlan e je sede di une consolidade tradizion di studis e insegnament che, intal cors dai agns, e à puartât a scuviertis fondamentâls. Fra chestis, il manuscrit di Giovanni Boccaccio cun dentri une copie complete de “Historia Langobardorum” di Paolo Diacono. E i studis meticolôs su codiçs o dome tocs che a àn contribuît a ricostruî la storie culturâl dal Friûl medievâl, in graciis di Cesare Scalon. (A.I.) – 30.11.2022