Di miercus ai 3 a domenie ai 7 di Mai, Udin e devente ancjemò la capitâl de culture e de riflession cu la decime novesime edizion dal festival vicino/lontano, inmaneât de associazion cul stes non, cu la sorevision di un comitât sientific di innomine internazionâl. Analizant chest an il teme “Podê”, a son previodûts 80 apontaments: confronts, cunvignis, incuintris, concierts, mostris, spetacui e proiezions, che a cjaparan dentri 200 personalitâts dal mont des siencis, de leterature, de art, dal spetacul e de informazion. Il moment centrâl e sarà la serade di premiazion dal vincidôr dal Premi leterari internazionâl dedicât a Tiziano Terzani, sabide ai 6 al Teatri Gnûf “Giovanni da Udine”, in presince dal vincidôr 2023, il dissegnadôr Zerocalcare. (A.I.) – 02.05.2023
Foto di R. Ciaravolo
