A Udin la storie dai cjantants lirics cun vôs di femine

Ae Universitât popolâr di Udin si fevele di opare liriche e di cemût che cheste e vedi ufiert simpri ispirazions impuartantis di riflession su la realtât, ancje par ce che al rivuarde la identitât di gjenar. Joibe ai 12 a Palazzo Torriani, aes 6.15 dopomisdì, un relatôr di innomine internazionâl – il diretôr Cosimo Colazzo – al frontarà un argoment unic e particolâr, no dome par amants de liriche: la presince di “vôs di femine in cuarp di om”, tacant de opare baroche, cu la presince costante di cjantants spadâts. E il gjenar al devente, tai secui, ogjet di ribaltaments, passaçs e paradòs. (A.I.) – 11.01.2023