A Udin, pituris mai viodudis prime in Italie pe grande mostre a Cjase Cavazzini

Dai 18 di Fevrâr a Cjase Cavazzini e scomence la mostre “Insieme”, la seconde des grandis mostris voludis dal Comun di Udin. La esperience de prime, che e à puartât plui o mancul 60mila visitadôrs a cjalâ lis oparis di “La forma dell’infinito”, e à lassât un segn cetant positîf pe cualitât des oparis proponudis, pai messaçs ufierts ae riflession e parcè che e je ancje un catalizadôr impuartant di disvilup turistic pe citât. La mostre e nas de colaborazion tra il Comun e la associazion culturâl Comitât di Sant Florean di Dieç, che al va indevant a proponi cuntune altre e mostre in Cjargne, tacant dai 21 di Mai di chest an. La impegnative mostre a Cjase Cavazzini e je formade par un tierç di oparis talianis e par doi tierçs di pituris mai viodudis in Italie. Lis 55 oparis a rapresentin la ricjece des stradis cjapadis de art ocidentâl tra il 1851 e il 1992. (A.I.) – 06.02.2023