A Vilecjaze un Istât di culture intal non di Pasolini

‘Un paìs no me’ e je la cussience di un mudament, la fin di un mont, chel contadin, il cjapâ fuarce di une societât a ditature consumistiche che Pier Paolo Pasolini nol ricognosseve e che al sintive foreste. Chestis peraulis scritis tal 1974 dal poete di Cjasarse a son stadis sieltis tant che titul de 31e edizion di Avostanis, Ai Colonos di Vilecjaze, dai 6 di Avost fin ai 28 di Otubar, sot de direzion artistiche di Federico Rossi. Pal centenari de nassite di Pasolini, i Colonos a van indevant cuntun percors di riscuvierte dal pinsîr e de opare dal poete, che al segne la storie de associazion culturâl fin de sô origjin. La rassegne si vierç cun “Jo (no) sai”, inaugurazion de opare “site-specific” de artiste Maria Elisabetta Novello par cure di Angelo Bertani.  (A.I.) – 03.08.2022